ஒருவருக்கு சிறுநீரகக் கல் எதனால் உருவாகும்?
வாழ்க்கையில் சிறுநீரகக் கல் வந்து அதை ஒரு முறையாவது அனுபவித்தவர்கள், அது மீண்டும் வராமல் இருக்க, என்ன என்னவெல்லாம் செய்ய முடியுமோ? அதை எல்லாம் செய்வார்கள். ஏனென்றால் சிறுநீரகக்கல் வலி என்பது கிட்டத்தட்ட குழந்தை பிறக்கும் பிரசவ வலிக்கு சமமாக இருக்கும் என்று அனுபவித்தவர்கள் கூறுகிறார்கள்.
முதுகு அல்லது பக்கவாட்டில் திடீரென கிள்ளும் வலியை உணருவது மோசமாக இருக்கலாம். சரியா? இது சிறுநீரக கற்களின் அறிகுறியாக இருக்கலாம். இவை சிறுநீரகங்களில் உருவாகும் தாதுக்கள் மற்றும் உப்பு படிவுகள். சிறுநீரின் கலவையில் ஏற்படும் ஏற்றத்தாழ்வு காரணமாக இது ஏற்படுகிறது. உண்மையைச் சொல்லப் போனால், அவை நம்பமுடியாத அளவிற்கு வேதனையாக இருக்கும்
உலக அளவில் சிறுநீரகக் கல் பிரச்சனையால் மில்லியன் கணக்கான மக்கள் பாதிக்கப்பட்டு இருக்கின்றனர்.
இந்தியாவில் மட்டும் ஏறக்குறைய 12 சதவீத மக்கள் சிறுநீரகக் கல் பிரச்சனையுடன் உள்ளனர்.
சிறுநீரகத்தில் உருவாகும் இந்த கிறிஸ்டல் போன்ற சிறுநீரகக் கல் உங்கள் தினசரி வாழ்க்கையை வெகுவாக பாதிக்கும்.
ஒருவருக்கு சிறுநீரகக் கல் எதனால் உருவாகும்?
தண்ணீர் குறைவாக குடிக்கும் நபருக்கு சிறுநீரகக் கல் ஏற்பட வாய்ப்பு அதிகம்.
அதிக உப்பும் , கால்சியம் ஆக்சிலேட் அதிகமாக உடலில் சேர்ந்தாலும் சிறுநீரகக் கல் உருவாகும் .
சிறுநீரகக் கல் மீண்டும் உருவாகும் அபாயம்
ஒருமுறை சிறுநீரகக் கல் ஏற்பட்டு விட்டால், அடுத்த 15 ஆண்டுகளில் அவருக்கு சிறுநீரகக் கல் மீண்டும் உருவாகும் வாய்ப்பு 50 சதவீதம் உள்ளது, இது மரபியல் காரணம், உடல்நிலை, வாழ்க்கை முறை, பழக்கவழக்கங்கள் போன்றவற்றாலும் ஏற்பட வாய்ப்பு இருக்கிறது. ஆனால் சில மாற்றங்களை, சில பழக்க வழக்கங்களை நாம் தொடர்ந்து கடைப்பிடிப்பதன் மூலம் இதை தடுக்க வழி இருக்கிறது.
முதலில் சிறுநீரகக் கற்களை தடுக்கும் 10 வழிகளை பார்ப்போம்
போதுமான அளவு தண்ணீர் குடிக்க வேண்டும்
தினசரி இரண்டு முதல் மூன்று லிட்டர் வரையிலான தண்ணீர் குடிக்க வேண்டும் அதாவது 8 கிளாஸ் தண்ணீர் குடிக்க வேண்டும். இது சிறுநீரகத்தில் உள்ள சிறிய சிறிய அசுத்தங்களை கரைய செய்து கல் உருவாகாமல் பாதுகாக்கும்.
குறைந்து உப்பு எடுத்துக் கொள்ளுதல்
நாள் ஒன்றுக்கு நீங்கள் எடுத்துக் கொள்ளும் உப்பின் அளவு 2300 mg விட குறைவாக இருப்பது நல்லது
அதிக அளவு உப்பு காரணமாக சிறுநீரில் கால்சியம் உருவாகி சிறுநீரகக் கல் உருவாகும். அதனால் ஊறுகாய் மற்றும் உப்பு சேர்க்கப்பட்ட தின்பண்டங்களை தவிர்ப்பது நல்லது.
ஆக்சிலேட் அளவு அதிகமாக உள்ள உணவுகளை தவிர்ப்பது
சாக்லேட் டீ, காபி மற்றும் பசலைக்கீரை , சப்போட்டா, திராட்சை போன்றவற்றில் ஆக்சிலேட் அதிகமாக உள்ளது. எனவே ஆக்சிடென்ட் அதிகம் உள்ள உணவுகளை தவிர்க்க வேண்டும்,
ஏனென்றால் சிறுநீரகக் கல் என்பதே ஆக்ஸிலேட் மற்றும் கால்சியம் சேர்ந்த கலவை.
சிவப்பு மாமிசம் மற்றும் பருப்பு போன்ற புரத உணவுகளை அதிகமாக எடுத்துக் கொள்ளும்போது சிறுநீரகத்தில் கற்கள் உருவாக வாய்ப்பு அதிகம்.
அதிக உப்புள்ள ரெடிமிக்ஸ் உணவுகளையும் , பாக்கெட் உணவுகளையும் அதாவது உப்பு சேர்க்கப்பட்ட நொறுக்குத் திணிகளையும் தவிர்ப்பது உங்கள் உடலுக்கு,உங்கள் சிறுநீரகத்திற்கு நல்லது.
அளவோடு மாமிசம் சாப்பிட வேண்டும்
நாள் ஒன்றுக்கு இந்தியாவைப் பொறுத்தவரை 200 கிராம் அளவுக்கு மேல் மாமிசம் எடுத்துக் கொள்ளக்கூடாது.
கோழிக்கறி, முட்டை, மீன் போன்ற இறைச்சி உணவுகள் யூரிக் ஆசிட் அளவை அதிகரிப்பதால் கல் உருவாகும்.
மாதுளை சாறு
ஆக்ஸிஜனேற்றிகள் நிறைந்த மாதுளை சாறு, சிறுநீரக நச்சு நீக்கத்தை ஊக்குவிக்கும் அதே வேளையில் ஆக்ஸிஜனேற்ற அழுத்தத்தையும் படிக உருவாக்கத்தையும் குறைக்கிறது. வழக்கமான நுகர்வு சிறுநீரக ஆரோக்கியத்தை ஆதரிக்கிறது மற்றும் சிறுநீரக கற்கள் மீண்டும் வருவதைத் தடுக்க உதவும். இது சிறுநீரக கற்களுக்கான சிறந்த வீட்டு வைத்தியங்களில் ஒன்றாகும் .
துளசி (துளசி)
துளசி இலைகள் யூரிக் அமில அளவைக் குறைக்க உதவுகின்றன, இது யூரிக் அமிலக் கற்கள் உருவாவதைத் தடுக்கலாம். கூடுதலாக, துளசியில் அழற்சி எதிர்ப்பு பண்புகள் உள்ளன, அவை சிறுநீரகக் கற்களால் ஏற்படும் அசௌகரியத்தைப் போக்கக்கூடும். இது சிறுநீரகக் கற்களுக்கு ஒரு பழங்கால இயற்கை தீர்வாகும்.
உடற்பயிற்சி செய்ய வேண்டும்
குறைந்தது 30 நிமிடமாவது உடற்பயிற்சி செய்ய வேண்டும். உடற்பயிற்சி செய்து உடலை கட்டுக்கோப்பாக வைப்பது, சிறுநீரை கல் உருவாகாமல் பாதுகாக்கும்.
காபி மற்றும் ஆல்கஹால் அதிகமாக எடுத்துக் கொள்வது
காபி மற்றும் ஆல்கஹால் போன்றவற்றை அதிகமாக எடுத்துக் கொள்ளும் போது இது உடலில் நீரிழப்பு உருவாகி அதன் மூலம் சிறுநீரக கல் உருவாகிறது.
சிறுநீரகக் கல் உருவாகாமல் தடுக்கும் 10 வகையான உணவுகள்
சிறுநீரை பெருக்கும் தன்மை உள்ள வாழைத்தண்டு, பொதுவாக வாழைத்தண்டு சிறுநீரக கல்லை உடைத்து வெளியேற்றும் தன்மை உடையது. சிறுநீரக கல் 3mm அளவு இருக்கும் போது சிறுநீரை பெருக்கும் உணவுகளைக் கொண்டே அந்தக் கல் வெளியாகும்படி செய்யலாம். 7mm அல்லது 8mm அளவு இருக்கும் போது நாம் கண்டிப்பாக மருத்துவரை நாடியே ஆக வேண்டும்.
பார்லி கஞ்சி, சுரைக்காய் போன்றவையும் சிறுநீரை பெருக்கும் உணவுகள்
சிறுநீரில் உள்ள ஆக்சிடென்ட் கல்லை கரைக்க உதவும் எலுமிச்சை
சிறுநீரை சுத்தம் செய்யும் மோர்
பொட்டாசியமும், மக்னீசியமும் அதிகம் உள்ள இளநீர்
சிறுநீரக கக்ற்களின் படியங்களை தடுக்கும் பாகற்காய்
சிறுநீரகக் கல் உருவாக தேவைப்படும் பைப்ரினை சிதைக்கும் பைனாப்பிள் சாறு
சிறுநீரில் பாதிப்பை குறைக்கும் பச்சை காய்கறிகள்
சிறுநீரின் செயல்பாட்டை மேம்படுத்தும் முந்திரி
வலியை குறைக்கும் மஞ்சள் மற்றும் இஞ்சி
சிறுநீரகக் கல் உருவாக காரணமாக இருக்கும் உணவுகள்
பசலைக் கீரை, வேர்க்கடலை மற்றும் பருப்பு வகைகள், சாக்லேட் போன்றவற்றில் ஆக்ஸிலேட் அதிகம் உள்ளது
காப்பி மற்றும் குளிர்பானங்கள் மதுபானங்கள் உடலில் நீரிழிப்பை அதிக அதிகப்படுத்தும்.
உப்பு மற்றும் உப்பு அதிகம் உள்ள ஊறுகாய்கள்
தக்காளி பழத்தில் உள்ள ஆக்சாலிக் அமிலம் கால்சியத்துடன் சேர்ந்து கல் உருவாக காரணமாகிறது, தக்காளி மட்டுமல்ல முட்டைக்கோஸ் மற்றும் காலிபிளவர் போன்ற காய்கறிகளையும் தவிர்க்க வேண்டும்.
முடிவுரை
இதை படித்துக் கொண்டிருக்கும் நீங்கள் வாழ்க்கையில் ஒரு முறையாவது சிறுநீரகக் கல் என்ற வலியை உணர்ந்து இருந்தால், நீங்கள் மாற்றத்திற்கு கண்டிப்பாக தயாராக இருப்பீர்கள் என நம்புகிறேன்.
எனவே தினசரி பழக்கங்களில் நீங்கள் செய்ய வேண்டிய மாற்றங்கள்
அதிக தண்ணீர் குடிப்பது, உப்பை குறைவாக எடுத்துக் கொள்வது, மாமிசம் அளவாக எடுத்துக் கொள்வது, பழங்கள் காய்கறிகள் அதிகமாக எடுத்துக் கொள்வது,
சிறுநீரகக்கல் என்பது முற்றிலும் தடுக்கக்கூடிய அதே சமயம் சிறுநீரகக் கல் வந்துவிட்டால், அது சரி செய்யக்கூடிய ஆரோக்கியமான வாழ்க்கை முறைகள் உள்ளன. அவற்றை கடைப்பிடிப்பது மூலம் இந்த இந்த சிறுநீரகக் கல் பிரச்சனையை தடுக்கலாம்.
Source 1
Source 2
Mayo Clinic – Kidney Stones: Symptoms and Causes
🔗 https://www.mayoclinic.org/diseases-conditions/kidney-stones/symptoms-causes/syc-20355755
Source 3 – Statics report
